Кыргыз республикасынын чемпионаты

Кулжа айынын 10нан 17 не чейин тогуз коргоол боюнча Кыргыз Республикасынын чемпионаты болуп өттү. Республиканын эң мыкты оюнчулары ат салышып, оюн өтө курч жана жогорку деңгээлде өттү. Чемпионаттын чемпиондору (биринчи гана орунду ээлегендер) жана Кыргыз Республикасынын мыктылар ирээтинде биринчи сапты ээлегендер баш оона айынын 5 нен 12 не чейин Монголия Республикасынын Баян-Өлгий шаарында өтө турган Азия чемпионатына жолдомолорду утуп алышты. Жолдомолордун ээлеринин арасында дүйнөнүн чемпиондору да бар. Азия чемпионатында алтын алып келүү мүмкүнчүлүгү 100 пайыз деп ишенебиз!